المال السايب

بيقولوا ف الأمثال "المال السايب يعلم السرقة" لكن حرفية الحرامى كانت دايماً فى كيفيةإخفاء السرقة أى بدون أن ينكشف أمره فنجد ف فيلم قديم لنجيب الريحانى "مش فاكرة اسمه كانت تقريباً حاجة عمر "المهم كان البشكاتب يسرق بفن إشى خروف بكذا وعربية لزوم النقل كذا وعلف بكذا ودكتور كذا و..و... إنما إيه محبوكة

لكن فى عصرنا الحاضر المشرق بقت السرقة دايماً اسمها سوء تخطيط أو عدم تنسيق فنجد عند رصف أى شارع ف الدنيا البديهى هو إنهاء أعمال الصرف والكهرباء والمياه والتليفونات ثم البدء بأعمال الرصف لكن فى مصر المحروسة يتم رصف الطريق أولاً ثم حفره لإتمام توصيل التليفونات ثم إعادة رصفه ثم إعادة حفره لتغيير مناسيب بلاعات الصرف ثم إعادة رصفه على فكرة ده فى أحسن الأحوال لإن ف أحوال أخرى لا يتم إعادة الرصف ويبقى التكسير على ماهو عليه وعلى الأهالى خبط دماغهم ف أقرب حيط

أصبحت هذه هى سمة مصرنا المحروسة فمن نقل تمثال رمسيس وبناء ثم وقف البناء ثم قرار الهدم لجراج رمسيس لما ما أطلق عليه زوراً وبهتاناً تنسيق ميادين القاهرة ياقلبى إحزن والبقية تأتى

http://www.akhbarelyom.org.eg/akhbarelyom/issues/3222/0600.html

وعجبى

لما الرئيس يقدر يمنح بالمليون دولار كده مايقدرش يمنح الناس الغلابة ف مصر نص مليون بس بدل ما تذاكر المترو اللى غليت والبنزين والجاز وبالتالى أسعار الميكروباصات اللى بقت الضعف ورغيف العيش اللى بقى حاجة استغفر الله العظيم ماينفعش الحيوان ياكلها أصلاً واللى مش عاجبة يجيب الرغيف أبو ريال واللى نزل عليه التخفيض هو كمان و...و.... وربنا يرحمنا

ناجى العلى وحنظلة والوضع الراهن

إهداء إلى كل العرب

لما تحب توصف حد بالوحشية تقوله إنت نازى

لما تكون بتحب واحد ألمانى إوعى تتكلم معاه على هتلر وفترة النازية

بس كمان أحب أقول إننا بالكلام ده بنظلمهم

اليهود من زماااااااااااان وهم بيضربوا كل الأمثال التى لا يضاهيهم أحد فيها الخسة والنذالة والوحشية والخيانة و....و كتييييير ما تعدش

وقال هم قال اللى عايزين السلام

سلملى ع السلام

صحيت الصبح عادى بسبب شقاوة إبنى عمر الذى لم يكمل شهره السادس بعد الأستاذ خلاص عايز يصحى وعايز حد يلاعبه قمت فتحت التليفزيون على الجزيرة أشوف آخر آخبار الدنيا لأجد أبشع شئ ممكن إن الإنسان يشوفه إستخراج الجثث من المبنى اللى ضربت إسرائيل عليه ليلاً طفلة صغيرة شبة متصلبة ميتة ف حضن أمها المتصلبة هى أيضاً والناس بيحاولوا يفكوهم من بعض عشان يعرفوا يشيلوهم

والعرب قاعدين يتقرجوا ومش بس كده كانوا كمان بيدينوا اللى عملوا حزب الله عجبى بيحاسبوا الضحية وبيحكموا عليها ..لكن القاتل محدش يقدر يكلمه

خلى العرب حكومات وشعوب يفرحوا باللى وصلوا له.. اللبنانين ف الشوارع بيسبوا حكومات مصر والسعودية والأردن والله عندهم حق إحنا دلوقتى خونة خاينين لعروبتنا وإسلامنا وللإنسانية على وجه العموم

بجد حال لبنان صعب والكلام بقى ماسخ ومالوش طعم

حسبى الله ونعم الوكيل

حاجة غريبة

ياريت تقوللى ليه ممكن حد يطلب إضافة حد على الماسنجر من غير ما يعرفه

والحاجة الملفتة للنظر بجد إن البنات بيطلب إضافتها شباب والسؤال بعد الهاى وممكن أتعرف بيكون يا ترى آنسة ولا مدام

لاو الجميل إن البنات بتطلب إضافة برضو شباب ما تعرفهمش وهههههههه ممكن نتعرف أنا هههههههههه نانا وماما بتقولى يا لولو وبابا يا ميمى ههههههههه لكن إسمى الحقيقى عزيزة هههههههههه

والحاجة الألذ إنهم بيكونوا غير متزوجين والشباب نفسه يتجوز بس الظروف صعبة أو أهلها مش موافقين والبنات عندها فراغ وزهقانه وعندها إكتئاب لإن مفيش حد فاهما

حاجة غريبة تفكر الواحد بهوجة مكالمات المعاكسات بتاعة زمان الواحد عنده فراغ يشتغل ع الناس شوية أهو تضييع وقت والسلام

لعنة إنتخابات الرئاسة

عندما أجريت انتخابات الرئاسة العام الماضى وترشح لها المرشحون العشرة كانوا جميعاً يتمنون الفوز ويحلمون بمنصب رئيس الجمهورية وهناك من توقع أنه ربما لن يفوز لكنه سيحصل على نسبة لا بأس بها من الأصوات ولكن ليس كل ما يتمناه المرء يدركه

فاز مرشح الحزب الوطنى الديمقراطى باكتساح (طبعاً عارفين إزاى)وجاءت الأصوات الباقية مشتتة وضئيلة وبصراحة كانت حاجة تكسف .

وبعد إنتهاء هوجة الإنتخابات توالت لعناتها على المرشحين

اللعنة الأولى:أيمن نور

قضية التوكيلات المزورة ما تلاها من قضايا

إنقلاب الحزب عليه وإنقسامه داخلياً لدرجة صدور جريدتين تحملان نفس الإسم لنفس الحزب (الغد)واضح إنه من أوله غد ما يعلم بيه إلا ربنا

حبس أيمن نور

حتى الآن أيمن لم يخرج من سجنه ومازال أمامه طريق طويل من القضايا والمشاكل

اللعنة الثانية: نعمان جمعة

إنقلاب الحزب عليه بسبب نسبة الأصوات اللى تكسف اللى خدها الحزب

تفاقم المشاكل حتى وصل الأمر لما يمكن أن نسمية حرب الشوارع فى مقر الحزب وطرد نعمان جمعة من المقر بالقوة وتولى أباظة أمور الحزب لحين إختيار رئيس للحزب

حتى الآن نعمان جمعة خارج الحزب.

اللعنة الثالثة: أحمد الصباحى

هو صاحب الطربوش الشهير والذى يعنى الإحتشام والوقار(راجل بجد سكرة عايش أيام زمان أيام الخير والناس الطيبة بجد بيفكرنى بجدودى اللى ما شفتهمش )

تنامى إلى أنه أيضاً حدث إنقلاب عليه فى الحزب ويالهول من إنقلب عليه إبنه

لا أعرف غير ذلك

اللعنة الرابعة: إبراهيم ترك

لقى مصرعه فى حادث سيارة

الآن هو بين يدى الله تولى الحزب بعده أخوه (توريثه صغيرة حلوة صح)

والآن يا ترى يا هل ترى الدور على ميييييين؟

أسعد إمرأة فى العالم

يا أسعد الناس فى دين وفى أدب بــلا جمــان ولا عقــد ولا ذهــب

بل بالتســابيح كالبشرى مرتلــة كالغيث كالفجر كاإشراق كالسحب

فى سـجدة فى دعـاء فى مراقبـة فى فكـرة بين نـور اللـوح والكتب

فى ومضة من سناء الغار جاد بها رسـول ربـك للرومـان والعرب

فأنـت أســعد كــل العــالمين بمــا فى قلبك الطـاهر المعمــور بالقرب

د.عائض القرنى

حاجة غريبة

فجأة وبدون أى مقدمات كل الصحف القومية تتكلم عن النعمة الكبيرة اللى مَّن علينا الريس بيها ألا وهى حرية التعبير واللى إحنا الناس الوحشة وخصوصاً الصحفين اللى مش صحفيين اللى إستغلوا الحرية غلط وإديها كلام عن الأقلام الصفرا والغير شريفة وغير أمينة وغير أى حاجة

فكان كلام ممتاز القط ف أخبار اليوم واللى أسماها محاولة إغتيال مصر وعلى نفس الموضوع كان كلام أسامة سرايا ف الأهرام والغريبة إن نفس المقالة بقالها يمكن 4 أيام ع التوالى هى هى من غير تغيير ده غير عبد الله كمال

حاجة غريبة مش كده واللا عادى ف بلدنا دى

من قد إيه قلتها يا حنظله

وإحنا لسه عايشنها لحد دلوقتى